سری نگر: 25، جنوری: رام بن کے علاقے مگرکوٹ کے قریب بدھ کو سری نگر جموں قومی شاہراہ پر دو گاڑیوں پر چٹانیں کھسک آئیں جس کے نتیجے میں ایک ٹرک ڈرائیور کی موت ہو گئی اور دو دیگر افراد زخمی ہو گئے۔
ڈپٹی کمشنر رامبن، مسرت اسلام نے نیوز ایجنسی – کشمیر نیوز آبزرور (کے این او) کو بتایا کہ رات بھر کی بارش کی وجہ سے چٹانیں دو گاڑیوں سے ٹکرا گئی ۔ ان کا کہنا تھا کہ اس واقعے میں ٹرک ڈرائیور موقع پر ہی جاں بحق جبکہ دو دیگر زخمی ہو گئے۔ انہوں نے کہا "زخمیوں کو علاج کے لیے پی ایچ سی رامسو منتقل کر دیا گیا ہے”۔
ٹرک ڈرائیور کی شناخت منیب ٹاک ساکنہ سوپت کولگام کے طور پر ہوئی ہے اور زخمی کی شناخت گوپال سنگھ پی ایف پیرا اور راجندر ناتھ ساکن بٹوٹ کے طور پر کی گئی ہے۔
آپ کو بھی پسند آ سکتا ہے۔
دریں اثنا، ٹریفک حکام نے کہا کہ جموں سری نگر قومی شاہراہ ٹریفک کے لئے بحال ہے لیکن مہر اور پنتھیال میں وقفے وقفے سے پتھراؤ کا سلسلہ جاری ہے۔ "لوگوں کو مشورہ دیا جاتا ہے کہ وہ ناشری اور بانہال کے درمیان ہائی وے پر اس وقت تک سفر نہ کریں جب تک کہ بھارت جوڈو یاترا ختم نہ ہو جائے”۔( کے این او)
