سری نگر، 17 جنوری: وسطی کشمیر کے بڈگام ضلع منگل کی صبح سیکورٹی فورسز کی جانب سے ایک گاڑی کو روکنے کی کوشش کے بعد جوابی فائرنگ میں دو عسکریت پسند مارے گئے، پولیس نے یہاں بتایا کہ دونوں ملی ٹینٹ علاقے میں حالیہ انکاؤنٹر سے فرار ہو گئے تھے۔
اپنے آفیشل ٹویٹر ہینڈل پر کشمیر زون پولیس کے ایڈیشنل ڈائریکٹر جنرل کا حوالہ دیتے ہوئے، نیوز ایجنسی – کشمیر نیوز آبزرور (کے این او) کے مطابق، دونوں عسکریت پسندوں کا تعلق لشکر طیبہ کی عسکری تنظیم سے تھا۔ مارے گئے دونوں عسکریت پسندوں کی شناخت پلوامہ کے ارباز میر اور شاہد شیخ کے طور پر ہوئی ہے جن کا تعلق کالعدم عسکری تنظیم ایل ای ٹی سے ہے۔
اے ڈی جی پی نے ایک ٹویٹ میں کہا کہ دونوں وامیعسکریت پسند اس سے قبل حالیہ تصادم سے فرار ہوگئے تھے۔
قبل ازیں پولیس نے کہا تھا کہ مخصوص ان پٹ پر فوج اور پولیس کی مشترکہ علاقہ ڈومینشن پارٹی نے ایک مشتبہ گاڑی کو روکنے کی کوشش کی، عسکریت پسندوں نے اس پر فائرنگ کی اور جوابی کارروائی میں دو عسکریت پسند مارے گئے۔
