سرینگر, 15 جنوری: سٹیٹ ڈزاسٹر منیجمنٹ اتھارٹی کی جانب سے وادی کے کئی اضلاع میں درمیانہ درجے کے تودے گرنے کی وارننگ جاری کر دی گئی ہے.
ایس ڈی ایم اے کی جانب سے جاری وارننگ میں بتایا گیا ہے کہ اگلے 24 گھنٹوں میں کپوارہ ضلع میں 2000 میٹر سے زیادہ برفانی تودہ گرنے کا امکان ہے۔ وہیں اگلے 24 گھنٹوں میں اننت ناگ، بانڈی پور، بارہمولہ، ڈوڈہ ، گاندربل، کشتواڑ ، کولگام، پونچھ، راجوری، رامبن اور ریاسی کے اضلاع میں کم درجے کی سطح کے ساتھ برفانی تودہ 2000 میٹر سے زیادہ ہونے کا امکان ہے۔
ان علاقوں میں رہنے والے لوگوں کو مشورہ دیا جاتا ہے کہ وہ احتیاطی تدابیر اختیار کریں اور اگلے احکامات تک برفانی تودے والے علاقوں میں جانے سے گریز کریں۔
